free stats

മൃഗം 3 10

മൃഗം 3

കഴിഞ്ഞ ഭാഗങ്ങള്‍ വായിക്കുവാന്‍ PART 01 | PART 02 |


നല്ല ധൈര്യമുള്ള പെണ്ണായിരുന്നു ദിവ്യ; അല്ലെങ്കില്‍ വാസുവിനെപ്പോലെയുള്ള ഒരു മുരട്ടുകാളയുടെ മുറിയിലേക്ക് തനിച്ചു പോകാന്‍ ധൈര്യപ്പെടുമായിരുന്നില്ലല്ലോ? ശങ്കരനും രുക്മിണിയും ഉറങ്ങുന്ന മുറിയും ആരും ഉപയോഗിക്കാതെ കിടക്കുന്ന മറ്റൊരു മുറിയും കഴിഞ്ഞ് അടുക്കളയോട് ചേര്‍ന്നുള്ള ഒരു ചായ്പ്പ് ആയിരുന്നു വാസുവിന്റെ വാസസ്ഥലം.

ശങ്കരന്‍ നല്ല മുറി നല്‍കാന്‍ കൂട്ടാക്കാതെ അവനു കിടക്കാന്‍ വേണ്ടി വീട്ടിലെ പഴയ സാധനങ്ങള്‍ കൂട്ടിയിട്ടിരുന്ന മുറി വൃത്തിയാക്കി നല്‍കുകയായിരുന്നു. അതിനു വാതിലും ഉണ്ടായിരുന്നില്ല. വീടിന്റെ തറ നിരപ്പില്‍ നിന്നും അല്പം താഴെയാണ് ആ ചായ്പ്പിന്റെ സ്ഥാനം. ഏതാണ്ട് പന്ത്രണ്ടു പതിമൂന്ന് വയസുവരെ അവന്‍ ഉപയോഗിച്ചിരുന്ന മുറിയാണ് ഇപ്പോള്‍ ഉപയോഗമില്ലാതെ അതിഥികള്‍ ആരെങ്കിലും വന്നാല്‍ അവര്‍ക്ക് നല്‍കാനായി ഇട്ടിരിക്കുന്നത്. ആ മുറിയില്‍ നിന്നും ചായ്പ്പിലേക്ക് അവനെ മാറ്റിയത് ബാലനായ വാസുവിന്റെ മനസ്സിനെ ആഴത്തില്‍ മുറിവേല്‍പ്പിച്ചിരുന്നു. രുക്മിണിയുടെ വാക്കുകള്‍ക്ക് അല്പം പോലും പരിഗണന നല്‍കാതെയാണ് ശങ്കരന്‍ വാസുവിനെ ചായ്പ്പിലേക്ക് മാറ്റിയത്.

“വീട്ടില്‍ നിന്നും ഈ തെണ്ടിയെ ഞാന്‍ ഇറക്കി വിടാത്തത്‌ നീ ഒരുത്തി കാരണമാണ്. ഈ നശൂലത്തിനെ രാവിലെ കണ്ടാല്‍ അന്നത്തെ ദിവസം പോക്കാണ്”

അവനെ മുറിയില്‍ നിന്നും മാറ്റരുത് എന്നപേക്ഷിച്ച രുക്മിണിക്ക് ശങ്കരന്‍ നല്‍കിയ മറുപടിയായിരുന്നു അത്. നിസ്സഹായയായ ആ സാധുസ്ത്രീയുടെ മനസ് വല്ലാതെ തകര്‍ന്ന് പോയിരുന്നു അയാളുടെ ആ നീചമായ തീരുമാനത്തില്‍. അവന്‍ വന്ന ശേഷമാണ്‌ ഭഗവാന്‍ തങ്ങള്‍ക്ക് ഒരു കുഞ്ഞിക്കാല് കാണാനുള്ള വര്‍ഷങ്ങളായുള്ള സ്വപ്നം പൂവണിയിച്ചത് എന്ന ഏക കാരണമാണ് രുക്മിണി അവനെ സ്വന്തം മകനെപ്പോലെ സ്നേഹിക്കനുണ്ടായ പ്രധാന കാരണം. പക്ഷെ ശങ്കരന് തന്റെ സ്വത്ത് അവന്‍ കൊണ്ടുപോകും എന്നുള്ള ഭീതിയും ആശങ്കയുമായിരുന്നു. അതെ സന്ദേശം ചെറുപ്രായത്തില്‍ തന്നെ അയാള്‍ മകളുടെ ഇളം മനസിലും കുത്തിവച്ച് അവളെയും ഒരു സ്വാര്‍ത്ഥമതിയായ പെണ്ണാക്കി മാറ്റിയെടുത്തു.

ചായ്പ്പിലേക്ക് താമസം മാറ്റിയ രാത്രി വാസു മണിക്കൂറുകളോളം തനിച്ചു കിടന്നു കരഞ്ഞു. താന്‍ ഈ ലോകത്തില്‍ ആരുമില്ലാത്തവനാണ് എന്ന ചിന്ത അവന്റെ ഇളം മനസിനെ കണ്ണാടിച്ചില്ല് പോലെ തകര്‍ത്തുകളഞ്ഞു. ഇരുളില്‍ ആശ്വാസത്തിന് ഒരാള്‍ പോലും അടുത്തില്ലാതെ അവന്‍ ഏങ്ങലടിച്ചു കരഞ്ഞു. അവന്റെ കരച്ചില്‍ കേള്‍ക്കാന്‍ ആ ചായ്പ്പിന്റെ ഭിത്തികള്‍ മാത്രമേ ഉണ്ടായിരുന്നുള്ളൂ.

മനസ് തകര്‍ന്നു കിടക്കുന്ന മകന്റെ അടുത്തുചെന്ന് ഒപ്പം കിടന്ന് ആശ്വസിപ്പിക്കാന്‍ രുക്മിണി ആഗ്രഹിച്ചെങ്കിലും ശങ്കരന്‍ അവളെ തടഞ്ഞു.

Updated: February 2, 2017 — 11:42 am

Leave a Reply

Your email address will not be published. Required fields are marked *

Kambikuttan Malayalam Kambikadhakal © 2018 All Right Reserved.